55025 Coreglia Antelminelli, Province of Lucca, Italy

kr.159.900

Loading Maps

Fleirri Valkostir í Boði!

Ævintýraleg sælkeraferð til Toskana

Hvaða áhugamann um mat og vín hefur ekki dreymt um að kynnast Toskana betur? Toskana hérað býr að ríkri matar- og vínhefð sem á sér langa sögu. Við bjóðum einstakt tækifæri til að læra að töfra fram klassíska ítalska rétti á persónulegu matreiðslunámskeiði hjá ítalskri ömmu.

Við dveljum á lúxusbúgarðinum Villa Colletto þar sem hægt er að flatmaga við sundlaugina og njóta útsýnis yfir stórbrotnar vínekrurnar og ólífulundina á hæðunum í kring.

Steingrímur Sigurgeirsson mun skipuleggja einstaka matar- og víndagskrá og fara með okkur í heimsóknir á bestu vínhús héraðsins. Þó mun gefast nægur tími til að liggja við laugina, fara á ströndina eða skella sér í dagsferð til borganna Flórens, Pisa eða Siena.

Hvað er innifalið og ferðatillaga

Flug með Air Berlin með stuttu stoppi í Dusseldorf
6 nátta gisting á Colletto Tuscana Villas
Morgunverður alla daga
Akstur á milli hótels og flugvallar
Tekið á móti hópnum með kampavínsglasi
1x Kvöldverður með íslenskum eðalkokki
Vínsmökkunarferð í vínhúsinu Podere Concori ásamt hádegisverði
Matreiðslunámskeið með ekta ítölskum „nonna ásamt kvöldverði
Heimsókn í Badia a Passignano vínhúsið ásamt hádegsverði. Sannkölluð vínævintýraferð
Hádegisverður að hætti Colletto á brottfarardegi
Flugáætlun
KEFLAVÍK - DUSSELDORF (00:45 - 06:05) Air Berlin
DUSSELDORF - FLORENCE (09:35 - 11:35) Air Berlin

FLORENCE - DUSSELDORF (17:35 - 19:40) Air Berlin
DUSSELDORF - KEFLAVÍK (21:30 - 23:05) Air Berlin

Flogið er með Air Berlin til og frá Íslandi.
Hámarks þyngd farangurs er eftirfarandi:
FERÐATASKA : 20 KG.
HANDFARANGUR : 6 KG.
16. júlí,
Ferðadagur, Mætt á flugvöll kl: 23:00 og flogið frá Keflavík kl: 00:45. Flogið er til Dusseldorf í Þýsklandi með stuttu stoppi á leið til Florence þar sem lent er á staðartíma kl: 11:35 rétt fyrir hádegi.

Hópurinn keyrður til Colletto.

Kampavínsmóttaka á veröndinni, að því loknu er tilvalið að skella sér í léttan kvöldverð í þorpinu Coreglia, t.d. á veitingastaðnum L‘Argile en þangað er um korters labb frá Colletto.


18. júlí.

Dagur í Colletto og nágrenni. Eftir morgunmat er tilvalið að slappa af við sundlaugina, fá sér gönguferð um nágrennið. Hádegisverðar og kvöldverðar má njóta í Colletto eða í einhverjum veitingastaðanna í nágrenninu.

19. júlí.

Vínsmökkunarferð í vínhúsinu Podere Concori (www.poderoconcori.com) sem er í um fimmtán mínútna akstursfjarlægð frá Colletto. Þar verður snæddur hádegisverður og síðan haldið til Lucca, einnar fallegustu og sögufrægustu borgar Toskana. Frjáls tími í Lucca og síðan kvöldverður á Da Pasquale, einu besta veitingahúsi borgarinnar.

20 Júlí

Matreiðslunámskeið. Eftir hádegi fáum við til okkar ekta ítalska „nonna“ sem kennir okkur að búa til klassíska ítalska rétti eins og þeir gerast bestir. Afrakstur námskeiðsins verður síðan uppistaðan í veislu kvöldsins á veröndinni samhliða því sem að Steingrímur heldur masterclass í vínsmökkun þar sem að við smökkum okkur í gegnum nokkur af bestu vínum Toskana.


21 júlí.

Heimsókn í Fattorial Torre vínshússins. Af mörgum talið eitt besta vín Toskana héraðsins Við heimsækjum vínhúsið, smökkum nokkur af bestu vínum fattorial Torre hússins og snæðum hádegisverð á hinum magnaða veitingastað sem þar er að finna.

Að loknum hádegisverði er haldið aftur til Colletto þar sem hægt er að hvíla sig við sundlaugina áður en kemur að kvöldverði.

22 Júlí

Kostur á heimsókn í matarmarkaðinn í Fornaci di Barga þar sem við veljum hráefni með kokknum fyrir kvöldverð með úrvali góðra vína.

23 Júlí

Heimför: morgunverður og slökun fyrir heimför dagsins og borðað verður kveðju Lunch á Colleto áður en við leggjum á stað á flugvöll.

Mætt á flugvöll kl. 15:30 og flogið frá Florence kl: 17:35 flogið til Dusseldorf með stuttu stoppi á leið okkar til Keflavíkur. Lent kl: 23:05.

BÓKA FERÐ

  1. Staðfestingargjald í þessari ferð er 50% af heildarverði ferðar. Eftirstöðvar ferðar þarf að greiða til Ferðaskrifstofu 8 vikum fyrir brottför. Ef styttra er í ferð en 8 vikur þá þarf að greiða ferð að fullu við bókun.
Loading…